- वि.सं २o८२ श्रावण ४ आइतबार
राष्ट्रिय स्वतन्त्र पार्टी (रास्वपा) महामन्त्री कवीन्द्र बुर्लाकोटी पार्टीको विवरण अद्यावधिक नभएको विषयमा छलफल गर्न निर्वाचन आयोग पुगेका छन् । उनी केही कानुन व्यवसायीहरूसमेत लिएर आयोग गएका हुन् ।
रास्वपाले एक वर्षअघि नै पार्टीको विवरण अद्यावधिक गर्न निवेदन दिए पनि आयोगले अहिलेसम्म कार्यान्वयन गरेको छैन । यही विषयमा कुराकानी गर्न आएको बुर्लाकोटीले बताए ।
‘हामीले सबै कागजात पेस गरिसकेका छौँ । अदालतले पनि कुनै स्टे अर्डर दिएको छैन । तैपनि आयोगले विवरण अद्यावधिक नगरेपछि छलफलका लागि आएका हौँ,’ उनले भने ।
राप्रपाका निष्कासित महामन्त्री डा. मुकुल ढकालले आफूमाथि गरिएको कारबाहीविरुद्ध अदालतमा हालेको मुद्दा विचाराधीन छ । तर, मुद्दा पर्नासाथ अद्यावधिक गर्ने प्रक्रिया नै रोक्नुपर्ने कुनै कारण नरहेको बुर्लाकोटी बताउँछन् । ‘मुद्दामा अदालतले अन्तरिम आदेश नदिएकाले विवरण अद्यावधिक गर्न आयोगलाई कुनै पनि बाधा छैन,’ बुर्लाकोटीले भने ।
