Skip This
सर्वोच्च शिखर सगरमाथाको सफल आरोहण गरी फिर्ता भएका सशस्त्र प्रहरी नायब निरीक्षक दन्तबहादुर छत्यालको विशेष बढुवा भएको छ। सगरमाथाको सफल आरोहण गरी साहसिक कार्य गरेबापत सशस्त्र प्रहरी बल, नेपालले उनलाई सशस्त्र प्रहरी सहायक निरीक्षकबाट सशस्त्र प्रहरी नायब निरीक्षक पदमा बढुवा गरेको हो।
उनी बुधबार काठमाडौं फर्किएका हुन्।
सशस्त्र प्रहरी बल, नेपाल नं. ९ पशुपतिनाथ बाहिनी मुख्यालय काठमाडौंका बाहिनीपति सशस्त्र प्रहरी नायब महानिरीक्षक सुरेशकुमार श्रेष्ठले सशस्त्र प्रहरी बल नेपाल नं. २० विपत् उद्धार गण सिनामंगल काठमाडौंमा बुधबार सशस्त्र प्रहरी नायब निरीक्षक छत्यालको स्वागत गर्नुका साथै सफल आरोहणको हार्दिक बधाईसमेत दिए।
जेठ ४ गते बिहान ९ः२० बजे उनले सगरमाथाको चुचुरोमा ‘सगरमाथा संवाद’ र सशस्त्र प्रहरी बल नेपालको झन्डा फहराएका थिए। सशस्त्र प्रहरी नायब निरीक्षक छत्याल सगरमाथा आरोहण लागि वैशाख १५ गते त्यसतर्फ प्रस्थान गरेका थिए।
