- वि.सं Invalid date format
जबर्जस्ती करणी मुद्दाका फरार प्रतिवादी सिराहाको दक्षिणी सीमावर्ती बरियारपट्टि गाउँपालिका– १, कचनारीका एक किशोरलाई प्रहरीले पक्राउ गरेको छ।
जिल्ला प्रहरी कार्यालय सिराहाका अनुसार परिवर्तित नाम ०८१/८३ पतार जी– १ को जाहेरीको आधारमा प्रहरी चौकी कचनारी र प्रहरी चौकी हर्कट्टीको संयुक्त टोलीले फरार रहेका करिब १९ वर्षीय विवेक साहलाई नेपाल–भारत सीमा क्षेत्रमा पर्ने औरही गाउँपालिका– १ दरहिया गाउँमा लुकेर बसिरहेको अवस्थामा पक्राउ गरिएको हो।
पक्राउ परेका साहलाई सिराहा जिल्ला अदालतबाट पाँच दिनको म्याद लिई इलाका प्रहरी कार्यालय महेशपुर पतारको हिरासतमा राखेर थप अनुसन्धान भइरहेको सिरहा प्रहरीका सूचना अधिकारी प्रहरी नायब उपरीक्षक वीरेन्द्रकुमार पासवानले जानकारी दिए।
