नेकपा एमालेका अध्यक्ष केपी शर्मा ओलीले अहिलेको सत्तागठनबन्धन स्वार्थको पोको भएको आरोप लगाएका छन्। नेकपा एमाले सिन्धुली निर्वाचन क्षेत्र नम्बर १ ले आयोजना गरेको चुनावीसभालाई सम्बोधन गर्दै ओली यस्तो बताएका हुन्। 

उनले नेपाली जनताले अहिलेको गठबन्धनको स्वार्थलाई बुझेकाले मंसिर ४ मा एमालेलाई मत दिएर त्यो स्वार्थको पर्दाफास गर्ने बताए। सभालाई सम्बोधन गर्दै अध्यक्ष ओलीले देशलाई विकासको अभियानमा लैजान र सुखी नेपाली समृद्ध नेपाल निर्माण गर्नका लागि एमालेको सरकार आवश्यक रहेको बताए।