कामना सेवा विकास बैंकले स्थापनाको १६औँ वार्षिकोत्सवको अवसर पारेर एकै दिन ३५ ठाउँमा वित्तीय साक्षरता कार्यक्रम सञ्चालन गरेको छ । स्थापना दिवस साप्ताहिक रूपमा मनाउने क्रममा बैंकले पहिलो दिन सातै प्रदेशमा वित्तीय साक्षरता कार्यक्रम सञ्चालन गरेको हो ।

बैंकले स्थापना सप्ताहका रूपमा देशव्यापी रूपमा सरसफाइ तथा डस्टबिन वितरण कार्यक्रम, रक्तदान कार्यक्रम, निःशुल्क स्वास्थ्य शिविरलगायतका कार्यक्रम पनि राखेको जनाएको छ । 

बैंकले स्थापनाको १६औँ वर्षसम्मको यात्रामा साथ दिने ग्राहक, नियमनकारी निकाय, सेयरधनी, कर्मचारीलगायत सरोकारवालाप्रति आभार व्यक्त गरेको छ ।