Read Time : < 1 मिनेट
२०७९ कार्तिक १७ बिहीबार ०६:०९:००
ग्लोबल आइएमई बैंक लिमिटेडले पोखरा महानगरपालिकामा दुईवटा नयाँ शाखा सञ्चालनमा ल्याएको छ । बैंकले वडा नम्बर १७, बिरौटा र वडा नम्बर २४, पामेमा नयाँ शाखा सञ्चालनमा ल्याएको हो ।
नयाँ शाखाबाट बुधबारदेखि नै सम्पूर्ण बैंकिङ सेवा उपलब्ध भएको बैंकले जनाएको छ । बैंकले देशको ७७ वटै जिल्लामा शाखा सञ्चालनमा ल्याइसकेको जनाएको छ । नयाँ शाखासहित बैंकले देशभरमा दुई सय ९२ शाखा, दुई सय ७० एटिएम, दुई सय ७५ शाखारहित बैंकिङ सेवा, ५१ वटा एक्सटेन्सन तथा राजस्व संकलन काउन्टर र तीनवटा वैदेशिक प्रतिनिधि कार्यालयमार्फत सेवा दिँदै आएको जनाएको छ ।