Read Time : < 1 मिनेट
२०७९ असोज ५ बुधबार १६:५१:००
सेयर बजार आज दोहोरो अंकले बढेको छ। केही दिनयता लगातार ओरालो लागिरहेको सेयर बजार परिसूचक नेप्से आज ११ दशमलव २२ अंकले बढेर एक हजार आठ सय ४८ दशमलव ८२ अंकमा पुगेको छ।
आज म्युचल फन्डबाहेक सबै समूहको सेयर बढेको छ। यीमध्ये पनि उत्पादन, विकास बैंक, बिमा र होटेल तथा पर्यटन समूहको सेयर उच्च अंकले बढेको छ।
नेप्से बढे पनि कारोबार रकम भने घटेको छ। आज दुई सय २६ वटा कम्पनीको २५ लाख ३१ हजार कित्ता सेयर ७२ करोड १२ लाखबराबरको कारोबार भएको छ। आज साम्लिङ पावर कम्पनीको सेयर १० प्रतिशतले बढेको छ।