म्यान्मारको मध्य उत्तर क्षेत्रको एक विद्यालय र गाउँमा सेनाले हेलिकोप्टरबाट गरेको गोलाबारीमा सात बालबालिकासहित १३ को मृत्यु भएको सहायताकर्मीहरूले बताएका छन् । 

गत शुक्रबार सागाङ क्षेत्रको एउटा विद्यालयमा सेनाले हेलिकोप्टरबाट गाउँ र विद्यालयमाथि गोली बर्साउँदा उनीहरूको मृत्यु भएको हो । म्यान्मारको जुन्ता सरकारले प्रजातन्त्र पक्षधर र विद्रोहीहरूमाथि निर्मम दमन गर्ने गरेको छ । म्यान्मारको जुन्ता सरकारले प्रजातन्त्र पक्षधर र विद्रोहीमाथि निर्मम दमन गर्ने गरेको छ ।

म्यान्मारमा पछिल्लो कुपछि २३ सयभन्दा धेरै मानिस सेनाबाट मारिएको बताइन्छ । युनिसेफको प्रतिवेदनअनुसार सागाङमा सेनाले केयौँ गाउँ जलाइदिएको छ । सैनिक कारबाहीका कारण यो क्षेत्रबाट करिब पाँच लाख सर्वसाधारण विस्थापित भइसकेका छन् ।