आइएमई पे र किरण गोल्डस्टार सुजबीच व्यवसाय प्रवद्र्धनको सम्झौता भएको छ । आइएमई पे डिजिटल दसैँ–तिहार २०७९ क्याम्पेनमा हरेक दिन एकजनालाई गोल्डस्टार जुत्ता उपहारस्वरूप प्रदान गर्ने सम्झौता भएको हो ।
यसका साथै प्रयोगकर्ताहरूले आइएमई पे एपमार्फत गोल्डस्टार जुत्ताको आधिकारिक वेबसाइटमा जुत्ता खरिद गर्दा हरेक जोडीमा २० प्रतिशत क्यासब्याक पनि प्राप्त गर्ने गरी व्यवस्था मिलाएको जनाइएको छ ।
आइएमई पेको दसैँ क्याम्पेनमा हरेक दिन एक भाग्यशाली विजेताले रिडिमेबल भौचर कोड पाउने जनाइएको छ ।उक्त कोड प्रयोग गरी विजेताहरूले गोल्डस्टार जुत्ताको आधिकारिक वेबसाइटमा निःशुल्क जुत्ता प्राप्त गर्न सक्ने कम्पनीले जनाएको छ । तर, यसका लागि विजेताले डेलिभरी चार्ज भने तिर्नुपर्ने सर्त राखिएको छ ।