राष्ट्रपति विद्यादेवी भण्डारीले दुई राजदूतलाई पद तथा गोपनीयताको शपथ गराएकी छिन्।

उनले सोमबार राष्ट्रपतिको कार्यालयमा आयोजित एक समारोहमा म्यानमारका लागि राजदूत हरिश्चन्द्र घिमिरे र मलेसियाका लागि राजदूत डिल्लीराज पौडेललाई पद तथा गोपनीयताको शपथ गराएकी राष्ट्रपतिको कार्यालयले जनाएको छ।

सो अवसरमा परराष्ट्रमन्त्री डा. नारायण खड्कालगायत नेपाल सरकारका उच्चपदस्थ अधिकारीहरू उपस्थित थिए।