- वि.सं २०८१ बैशाख ८ शनिबार
एसएस फाउन्डेसनले दोलखाका तीन विद्यालयलाई २९८ वटा झोला हस्तान्तरण गरेको छ। राप्रपा केन्द्रीय सदस्य सोभित उप्रेती र राप्रपाका नेता दिलविकाश राजभण्डारीले मदनदास श्रेष्ठ र दोलखा एमालेका उपाध्यक्ष राजेन्द्र मानन्धरलाई ती झोला हस्तान्तरण गरेका हुन्।
तिखतल प्रवि, त्रिपुरा सुन्दरी निमावि र तम्राकौशिक विद्यालयका विद्यार्थीलाई उक्त झोलाहरू वितरण गरिने बताइएको छ। दोलखा एमालेका उपाध्यक्ष राजेन्द्र मानन्धरको व्यवस्थापन र फाउन्डेसनका अध्यक्ष मदनदास श्रेष्ठबाट ती झोला वितरण गरिनेछ।
एसएस फाउन्डेसनले देशका विभिन्न स्थानमा सहयोग उपलब्ध गराउँदै आएको छ। फाउन्डेसनले कोरोना भाइरसको पहिलो र दोस्रो लहरमा देशका विभिन्न स्थानमा स्वास्थ्य सामग्री सहयोग गरेको थियो।
