महाभियोग सिफारिस समितिको बैठक सकिएको छ । ११ बजे सिंहदरबारमा बसेको दोस्रो दिनकाे बैठकमा निलम्बित प्रधानन्यायाधीश चोलेन्द्रशमशेर जबरालाई सोधिएको दुईवटा प्रश्नको मात्रै बयान दिएका छन् ।
बाँकी बयानका लागि सिफारिस समितिले १९ गते ११ बजेका लागि बैठक बोलाएको छ । महाभियोग सिफारिस समितिले ४४ वटा प्रश्न तयार पारेको छ। जसमध्ये दुई दिनको बैठकमा ६ वटा प्रश्नको जवाफ दिएका छन् ।
बैठक पछि पत्रकारलाई जानकारी दिँदै सांसद मिन विश्वकर्माले पाँच नम्बर र ६ नम्बरको प्रश्न अलि लामो र व्याख्यात्मक भएको र त्यसको जवाफ पनि लामै भएकाले दुई वटा मात्रै प्रश्न सोधिएको बताए । उनले जबराले समितिमाथि नै प्रतिप्रश्न गरेको बताए ।