- वि.सं २०८१ बैशाख १२ बुधबार
ईन्डियन प्रिमियर लिग २०१९ को शनिबार भएको पहिलो खेलमा भारतीय राष्ट्रिय टिमका पूर्वकप्तान महेन्द्रसिंह धोनी नेतृत्वको चेन्नई सुपर किङ्सले वर्तमान कप्तान विराट कोहली नेतृत्वको टिम रोयल च्यालेन्जर्स बैंगलोरलाई ७ विकेटले हराएको छ ।
टस जितेर बलिङ् रोजेको चेन्नईले बैंगलोरलाई १७.१ ओभरमा अलआउट गर्दै ७० रनमा सीमित गरेको थियो । ७१ रनको लक्ष्य चेन्नईले १७.४ ओभरमा पुरा गर्दै जित हासिल गरेको हो ।
अघिल्लो सत्र २०१८ को विजेता चेन्नईका लागि अबन्ती रायडुले सर्वाधिक २८ रन जोडेका थिए । विपक्षी टिमका कप्तान विराट कोहली, एबी डिभिलिएर्ससहित ३ विकेट लिएका स्पिनर हरभजन सिंह म्यान अफ दी म्याच भए ।
