मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
नयाँ पत्रिका काठमाडाैं
२०७९ श्रावण १४ शनिबार ०८:४६:००
Read Time : < 1 मिनेट
मुख्य समाचार प्रिन्ट संस्करण

बाघ हब बन्दै बर्दिया राष्ट्रिय निकुञ्ज

Read Time : < 1 मिनेट
नयाँ पत्रिका, काठमाडाैं
२०७९ श्रावण १४ शनिबार ०८:४६:००

पछिल्लो समय बर्दिया राष्ट्रिय निकुञ्ज बाघका लागि हब बन्न थालेको छ । संख्यात्मक रूपमा सबैभन्दा बढी बाघ चितवन राष्ट्रिय निकुञ्जमा भए पनि बर्दियामा वृद्धिदर उच्च छ । चार वर्षमा चितवनमा ३५ बाघ बढ्दा बर्दियामा भने ३८ वटा थपिएका छन् ।

चार वर्षअघि चितवनमा ९३ बाघ रहेकामा एक सय २८ पुगेका छन् भने बर्दियामा ८७ बाट संख्या बढेर एक सय २५ पुगेको छ । सन् ०७० मा चितवनमा एक सय २० बाघ थिए भने बर्दियामा ५० वटा थिए । गणनाअनुसार पर्सामा ४१, बाँकेमा २५ र शुक्लाफाँटामा ३६ बाघ रहेको पाइएको छ । सन् ०७५ मा पर्सामा १८, बाँकेमा २१ र शुक्लाफाँटामा १६ बाघ थिए । ०७० मा पर्सामा सात, बाँकेमा चार र शुक्लाफाँटामा १७ बाघ थिए । 

‘बर्दिया बाघका लागि नयाँ वासस्थानका रूपमा विकास भएको छ, यो उपलब्धि हो,’ राष्ट्रिय निकुञ्ज तथा वन्यजन्तु संरक्षण विभागका महानिर्देशक डा. रामचन्द्र कँडेलले भने, ‘त्यहाँ पहिले कर्णाली तटतिर बाघ थिए । अहिले बबईदेखि बाँकेसम्म वासस्थान बनेको छ ।’

पछिल्ला दिनमा बाघबाट मान्छेमाथि आक्रमणका घटना पनि बर्दियामा बढी हुने गरेका छन् । त्यसका लागि बाघलाई आहारा कम हुन नदिन कार्यक्रम सञ्चालन गरिने र स्थानीय बासिन्दालाई वनमाथिको निर्भर कम गर्न जीविकोपार्जनका कार्यक्रममा सघाइने उनले बताए ।