वरिष्ठ लोक देउडा गायक हरिचन्द्र कडायतको निधन भएको छ । बझाङको छबिसपाथीभेरा गाउँपालिका– २ मुम्ला घर भएका ५५ वर्षीय कडायतको सेती प्रादेशिक अस्पतालमा बुधबार बिहान निधन भएको हो । उनको मस्तिष्कघातका कारण निधन भएको अस्पतालले जनाएको छ ।
अचेत अवस्थामै धनगढीस्थित नवजीवन अस्पताल पुर्याइएका उनको स्वास्थ्य अवस्थामा सुधार हुन नसकेपछि सेति प्रादेशिक अस्पतालमा भर्ना गरेर उपचार भइरहेको थियो ।
कडायत ०४९ सालदेखि देउडा गायन क्षेत्रमा सक्रिय थिए । लोक डेउडा गायक कडायतले ‘कर्णालीका भेल’, ‘बझाङी काल्या’, ‘ल बिँडी खान्या की’लगायत विभिन्न चर्चित गीत गाएका छन् ।