निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १६ आइतबार
  • Sunday, 02 October, 2022
नयाँ पत्रिका काठमाडौं
२०७९ श्रावण १० मंगलबार १२:१९:००
Read Time : < 1 मिनेट
समाचार डिजिटल संस्करण

सडकआश्रित मानवको उपचारका लागि प्रहरी अस्पताल र मानवसेवा आश्रमबीच सम्झौता

Read Time : < 1 मिनेट
नयाँ पत्रिका, काठमाडौं
२०७९ श्रावण १० मंगलबार १२:१९:००

सडकआश्रित मानवहरूको स्वास्थ्योपचारलाई सहज बनाउन नेपाल प्रहरी अस्पताल र मानवसेवा आश्रमबीच सम्झौता भएको छ। मानवसेवा आश्रमको संरक्षणमा आइपुगेका बेवारिसे नागरिकको अस्पतालले स्वास्थ्य उपचार गर्ने सम्झौतामा उल्लेख छ।

सम्झौतापत्रमा महाराजगन्जस्थित नेपाल प्रहरी अस्पतालको तर्फबाट मेडिकल डाइरेक्टर प्रहरी अतिरिक्त महानिरीक्षक डा. आशा सिंह र मानवसेवा आश्रमका तर्फबाट संस्थाका संस्थापक एवं केन्द्रीय अध्यक्ष रामजी अधिकारीले हस्ताक्षर गरेका हुन्।

सम्झौतापश्चात् आश्रमको संरक्षणमा रहेका व्यक्तिहरूलाई विपन्न नागरिक उपचार कार्यविधि– २०७९ अन्तर्गत छुट्याइएको तीन शय्यामा राखी उपचार गरिने अस्पतालले जनाएको छ। अस्पतालमा भर्ना गर्नुपर्ने बिरामीका लागि भर्नापश्चात् औषधि र औषधिजन्य सामग्रीसमेत निःशुल्क उपलब्ध गराइनेछ।

यो सम्झौता एक वर्षका लागि रहेको बताइएको छ। हाल करिब एक हजार पाँच सय व्यक्ति मानवसेवा आश्रमको संरक्षणमा आश्रित छन्।