बाजुराको बुढीगंगा नगरपालिकाको मेयर र उपमेयर दुवै पदमा नेकपा एमालेका उम्मेदवारहररू विजयी भएका छन् । नगरप्रमुखमा रामबहादुर बानियाँ र नगरउपप्रमुखमा मायाकुमारी खड्का (कुँवर) विजयी भएका हुन् । 

प्रमुखमा एमाले उम्मेदवार बानियाँले ४७७७ मत प्राप्त गर्दा गठबन्धनका उम्मेदवार रंगबहादुर  खातीले ३७७४ मत ल्याए ।  उपप्रमुखमा एमाले उम्मेदवार कुँवरले ४७२७ मत प्राप्त गर्दा कांग्रेसकी उम्मेदवार रिता शाहीले ३७५५ मत मात्र ल्याइन् । 
विजयी नगरप्रमुख बानियाँ र उपप्रमुख कुँवर ०७४ सालको स्थानीय चुनावमा सोही पदमा कांग्रेससँगै पराजित भएका थिए । कांग्रेसले दुवै पदमा नयाँ अनुहारलाइ टिकट दिएको थियो भने एमालेले २०७४ सालका उम्मेदवारलाई नै दोहोर्याएको थियो । 
१० वटा वडा रहेको नगरपालिकामा सातवटा वडामा एमालेका उम्मेदवार विजयी भएका छन्। कांग्रेसका उम्मेदवार वडा ४, ७ र ८ मा  मात्र विजयी भएका छन् ।