समाचार डिजिटल संस्करण

महानगर प्रहरीको दुर्व्यवहार खेपेका दम्पतीका छोराहरूलाई कस्मोपोलिटन बोर्डिङले निःशुल्क पढाउने

ठेलामा मकै बेचेर गुजारा गर्दा काठमाडौं महानगरपालिकाका महानगर प्रहरीको दुर्व्यवहार खेपेका चेतेन्द्र आचार्यदम्पतीका दुई छोरालाई निःशुल्क पठनपाठनको व्यवस्था  मिलाइएको छ। 

उनीहरूका दुई छोरालाई बालुवाटारस्थित कस्मोपोलिटन बोर्डिङ स्कुलले निःशुल्क पठनपाठनको जिम्मेवारी लिएको हो । कांग्रेस नेता मोहन बस्नेतको पहलमा उनीहरूलाई निःशुल्क पठनपाठनको व्यवस्था मिलाइएको हो। नेता बस्नेतले मानवीय भावनाअनुरूप उनीहरूको समस्यामा केही राहत पुगोस् भन्ने उद्देश्यले पठनपाठनका लागि  पहल गरेको जानकारी दिए। 

सिन्धुपाल्चोकको मेलम्ची नगरपालिका– १०, बगुवाका आचार्यदम्पतीले १४ वर्षदेखि ठेलामा मकै, तरकारी र फलफूल बेचेर परिवारको गुजारा चलाउँदै आएका छन् ।