नेपाली कांग्रेसले एक्लै निर्वाचनमा जाँदा पनि कांग्रेस कमजोर नदेखिएको प्रतिवेदन तयार गरेको छ । उपसभापति पूर्णबहादुर खड्का संयोजकत्वको निर्वाचन केन्द्रीय परिचालन समितिले यस्तो प्रतिवेदन तयार गरको हो ।
आज बसेको नेपाली कांग्रेसको निर्वाचन केन्द्रीय परिचालन समितिले ‘स्थानीय तह निर्वाचन– २०७९’ को समीक्षा गरी प्रतिवेदन पारित गरेको हो । ‘आँकडाले कांग्रेस एक्लै निर्वाचनमा जाँदा पनि कमजोर देखिएको छैन । तर, गठबन्धन गरेर जाँदा अझ बढी सफलता प्राप्त गर्न सम्भव भएको निर्वाचन परिणामले देखाएको छ,’ प्रतिवेदनमा भनिएको छ ।
प्रतिवेदनमा कांग्रेस र गठबन्धनकै कारण कतिपय स्थानीय तहमा जित हासिल हुन सक्ने स्थानमा पनि जित हासिल हुन नसकेको निष्कर्ष निकालिएको छ ।