निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ २ बिहीबार
  • Thursday, 18 August, 2022
नयाँ पत्रिका काठमाडाैं
२०७९ असार ११ शनिबार ०७:१३:००
Read Time : < 1 मिनेट
खेलकुद प्रिन्ट संस्करण

२७ करोड पर्ने रोनाल्डोको कार दुर्घटनामा

Read Time : < 1 मिनेट
नयाँ पत्रिका, काठमाडाैं
२०७९ असार ११ शनिबार ०७:१३:००

पोर्चुगल तथा म्यानचेस्टर युनाइटेडका स्ट्राइकर क्रिस्टियानो रोनाल्डो महँगा कार संकलन गर्न खुबै मन पराउँछन् । रोनाल्डोसँग विश्वकै महँगा कारहरू छन् । यस्तै, करोडौँ मूल्य पर्ने कार दुर्घटनामा पर्दा त्यसका मालिकको अवस्था कस्तो होला ? सम्भवतः ती कार मालिकको होस् नै उड्नेछ । यसै साता रोनाल्डोले यस्तै सामना गरे । 

लगभग २७ करोड रुपैयाँ पर्ने रोनाल्डोको बुगाटी वेराना स्पेनिस सहर मार्लोकामा दुर्घटनाग्रस्त भयो । कार रोनाल्डोका निजी ड्राइभरले चलाएका थिए । तीव्र गतिमा हुइँकिएर आएको बुगाटी बेरोना एक घरको पर्खालमा ठोक्कियो । स्पेनिस मिडियाहरूले कारले आफ्नो नियन्त्रण गुमाउँदा दुर्घटनामा परेको जनाएका छन् । 

घरको मुख्य ढोकाअगाडि कार ठोकिएको एजेन्सीले उल्लेख गरेका छन् । कारको अगाडिको भाग पूरै ध्वस्त भएको छ । भाग्यवश कारचालकलाई केही भएन । विश्व खेलकुदमा रोनाल्डोलाई कार सौखिन भन्ने गरिन्छ । 

एक अर्ब २६ करोड रुपैयाँ मुख्य भएको बुगाटी कम्पनीकै एक कार रोनाल्डोसँग छ । यो कार विश्वका केही व्यक्तिसँग मात्र छन् । सन् २०२२ मा उनले यो कार किनेका थिए । यसको उच्चतम स्पिड भनेको प्रतिघन्टा दुई सय ३६ किमि रहेको छ । केवल २.४ सेकेन्डभित्र नै बुगाटी कारले ० देखि ६२ किमि स्पिड लिन्छ । रोनाल्डोले कुनै नयाँ कार किन्दा तत्कालै सामाजिक सञ्जालमा पोस्ट गर्छन् ।