एमाले नेता भीम रावलले सरकारले अमेरिकालाई स्टेट पार्टनरसिप प्रोगाम (एमपिपी)मा सहभागी नहुने भनेर पत्राचार नगरेको भन्दै आपत्ति जनाएका छन् । सोमबार नयाँबानेश्वरस्थित संसद् भवनमा सञ्चारकर्मीहरूसँग कुराकानी गर्दै नेता रावलले सरकारले एसपिपीमा सहभागी नहुने भनेर हालसम्म अमेरिकालाई पत्राचार नगरेको भन्दै आपत्ति जनाएका हुन् ।
उनले अमेरिकाले नेपालले सम्झौता रद्ध गर्न सक्ने भने पनि नेपाल सरकारले पत्राचार गर्न नसकेको बताए । रावलले पत्र नपठाउनुको कारण के हो ? भनेर सरकारलाई प्रश्नसमेत गरे ।
उनले प्रधानसेनापति, परराष्ट्रमन्त्री, गृहमन्त्री र गठबन्धन दलका नेताहरूले समेत एसपिपीमा नेपाल सहभागी नहुने बताइरहँदा पनि पत्र नपठाएकोप्रति आशंका व्यक्त गरे ।
रावलले आगामी निर्वाचनमा समान विचार, दर्शन र कार्यक्रम भएकाहरूसँग मात्रै गठबन्धन गर्नुपर्नेमा जोड दिए । विपरीत सिद्धान्त भएकाहरूबीचको गठबन्धन अनैतिक हुने उनको तर्क छ ।