Read Time : < 1 मिनेट
२०७९ जेठ ३१ मंगलबार ०९:१४:००
काठमाडौं महानगरपालिकाका मेयर बालेन्द्र साहले बागमती प्रदेशले आयोजना गरेको जनप्रतिनिधिहरूको अभिमुखीकरण कार्यक्रम काठमाडौं महानगरलाई गाली गर्ने कार्यक्रम भएको बताएका छन्।
सोमबार राति सामाजिक सञ्जाल फेसबुकमा स्टाटस लेखेर मेयर साहले बागमती प्रदेशले आयोजना गरेको काठमाडौं महानगरलाई गाली गर्ने कार्यक्रममा सहभागी भएर खुसी लागेको बताएका छन् । उनले यस्तो कार्यक्रमको आयोजना गरेको भन्दै आयोजकलाई धन्यवादसमेत दिए।
सोमबारदेखि हेटौँडामा सुरु बागमती प्रदेशका स्थानीय तहमा नवनिर्वाचित जनप्रतिनिधिहरूको अभिमुखीकरण कार्यक्रम दुई दिनसम्म चल्नेछ। कार्यक्रममा प्रदेशभरिका स्थानीय तहका प्रमुख र उपप्रमुखको उपस्थिति रहेको छ।