महिला तथा बालिकामाथि हुने यौनजन्य अपराधको घटनामा उजुरीका लागि हद म्याद राख्ने कानुनी व्यवस्था तत्काल हटाउन सरकारसँग माग गर्दै शनिबार पनि काठमाडौंको माइतीघर मण्डलामा प्रर्दशन भएको छ । पीडाको कुनै हदम्याद हुँदैन भन्ने मूलनारासहित सो प्रदर्शन गरिएको हो ।
सडकमा पलेँटी कसेर बसेका प्रर्दशनकारीहरूले पीडकलाई कडा कारबाही र पीडितलाई उचित क्षतिपूर्तिसहितको व्यवस्था सरकारले नगरेसम्म आफूहरूको आन्दोलन जारी रहने चेतावनी समेत दिएका छन । त्यस अवसरमा उनीहरूले ‘दया होइन, न्याय दे’, ‘हामी चुप लागेर बस्दैनौँ’, ‘पीडाको कुनै हदम्याद हुँदैन’, लगायत लेखिएको प्लेकार्डसहित
प्रदर्शन गरेका थिए ।