चितवनको भरतपुरमा १३औँ दिनको पुण्यतिथिमा मृतकको सम्झनामा एक परिवारले रक्तदान आयोजना गरेको छ। भरतपुर–१० का स्वर्गीय शकुन्तला पौडेलको सम्झनामा उनको परिवारले शुक्रबार रक्तदान कार्यक्रम आयोजना गरेका हुन्।
८ जेष्ठमा कार्यालयमा कार्यरत रहेकै समयमा पौडेलको करेन्ट लागेर निधन भएको थियो। १३औँ पुण्यतिथिमा आयोजित रक्तदान कार्यक्रममा परिवारका सदस्य एवं छिमेकी गरी ४३ जनाले रक्तदान गरेका छन्।