काठमाडौँ चमतीकी सलिना महर्जनले मिस नेवाः नेपाल ११४२ को ताज जितेकी छिन् । नेप्लिज फेसन होमद्वारा आइतबार राति नेपाल प्रज्ञा प्रतिष्ठानमा आयोजित १६औँ संस्करणको मिस नेवाः नेपाल प्रतियोगितामा १८ प्रतिस्पर्धीलाई पछाडि पार्दै सलिनाले ताज चुमेकी हुन् ।
उनलाई मिस नेवाः नेपाल ११४१ कृषा महर्जनले मिस नेवाः नेपालको ताज पहिराइदिएकी थिइन् । सलिनाले ताजसहित नगद एक लाख रुपैयाँ प्राप्त गरेकी छिन् । साथै उनी नेपाल क्योकुसिन सेइसिन काइकान कराँतेको सद्भावना दूत पनि नियुक्त भएकी छिन् । प्रतियोगितामा ठमेलकी सविना बज्राचार्य फस्ट र भक्तपुर ठिमीकी सेलिन प्रजापति सेकेन्ड रनरअप भए ।