Read Time : < 1 मिनेट
२०७९ बैशाख ११ आइतबार १४:०३:००
नगरपालिका प्रमुखमा उम्मेदवारी दर्ता गराउन प्रदेश १ मा दुईजना एमाले सांसदले पदबाट राजीनामा दिएका छन्। झापा १ ‘ख’मा एमालेबाट निर्वाचित प्रदेश सांसद गोपालचन्द्र बुढाथोकी र इलाम १ ‘ख’मा एमालेबाटै निर्वाचित सांसद काजीमान कागतेले आज पदबाट राजीनामा दिएका हुन्।
दुवैजना सांसदले आइतबार प्रदेश सभामा लिखित रूपमा राजीनामापत्र बुझाइसकेको प्रदेश १ सभाका सचिव गोपालप्रसाद पराजुलीले जानकारी दिए। सांसद बुढाथोकीलाई एमालेले झापाको मेचीनगर नगरपालिकाको र सांसद कागतेलाई इलामको सूर्याेदय नगरपालिकाको प्रमुख पदमा सिफारिस गरेको छ।
दुवैजनाले कानुनी व्यवस्थाअनुसार पालिकामा चुनावी प्रतिस्पर्धा गर्न सांसद पदबाट राजीनामा दिएको बताएका छन्।