राष्ट्र बैंकका गभर्नर महाप्रसाद अधिकारी निलम्बनमा परेका छन् । बिहीबार बसेको मन्त्रिपरिषद् बैठकले विलासी वस्तुको आयात रोक्न अर्थ मन्त्रालयले दिएको निर्देशनको सूचना सार्वजनिक गरेको भन्दै छानबिन समिति गठन गरेपछि गभर्नर अधिकारी स्वत: निलम्बनमा परेका हुन् । यससम्बन्धी निर्णय सार्वजनिक गरिएको भने थिएन ।

 अर्थ मन्त्रालयले यो विषयको छानबिन गर्न पूर्वन्यायधीश पुरुषोत्तम भण्डारीको संयोजकत्वमा तीन सदस्यीय छानबीन समिति पनि बनाएको छ । बैठकमा उनलाई निलम्बन गर्ने विषयमा छलफल नभए पनि माइन्युटमा भने पारिएको थियो ।