भुक्तानी प्रणाली सञ्चालक स्मार्ट च्वाइस टेक्नोलोजिज लिमिटेड (एससिटी) र एनआइसी एसिया बैंकबीच स्मार्ट क्युआरमार्फत भुक्तानी सेवा सञ्चालनका लागि सम्झौता भएको छ । सम्झौतामा एससिटीका प्रमुख कार्यकारी अधिकृत नारायणप्रकाश भुजू र एनआइसी एसिया बैंकका सहायक प्रमुख कार्यकारी अधिकृत सन्तोष राठीले हस्ताक्षर गरेका हुन् ।
सम्झौताअनुसार विभिन्न व्यापार—व्यवसाय गर्दै आएका व्यवसायिले एनआइसी एसिया बैंकमार्फत स्मार्ट क्युआरको सुविधा लिन पाउने जनाइएको छ । इएमभी स्ट्यान्डर्डमा जारी गरी फाइनान्सियल स्विचमार्फत कारोबारको भुक्तानी तथा फस्र्योट गर्ने भएकाले स्मार्ट क्युआरमार्फत भुक्तानी लिन तथा दिन सहज, सुरक्षित र भरपर्दो रहेको कम्पनीको दाबी छ ।
विगत २० वर्षदेखि विभिन्न भुक्तानीका विभिन्न सेवा दिँदै आएको एससिटी र एनआइसी एसियाबीच भएको यो सहकार्यले देशको समग्र अर्थतन्त्रको विकासमा थप योगदान पुग्ने कम्पनीको दाबी छ ।