- वि.सं २०८१ बैशाख १३ बिहीबार
साहित्यकार हरिभक्त संग्रौलाद्वारा लिखित तेस्रो महाकाव्य ‘धरहरा’को लोकार्पण गरिएको छ । सुरुंगास्थित कन्काई बहुमुखी क्याम्पस परिसरमा आयोजित साहित्यिक समारोहमा उक्त कृतिको लोकार्पण गरिएको हो ।
नेपाल प्रज्ञा प्रतिष्ठानका प्राज्ञ सभा सदस्य सुभद्रा भट्टराइर्् अर्याल र पूर्व प्राज्ञ सभा सदस्य यज्ञराज प्रसाईंले सो कृति लोकार्पण गरे । साहित्यकार हरिनारायण भट्टराईले लोकार्पित कृतिको समिक्षा गरेको कार्यक्रममा लेखक संग्रौलाले महाकाव्य र साहित्यिक जीवनबारे धारणा राखेका थिए ।
कन्काई नगरपालिका–३ सुरुंगा निवासी साहित्यकार संग्रौलाले यसअघि उषा र धरातल शीर्षकका महाकाव्य प्रकाशित गरिसकेका छन् । गत साउनदेखि हालसम्मको ७ महिने अवधिमा उनले उषा, धरातल र धरहरा महाकाव्य लेखेका छन् ।
