महानगरीय प्रहरी परिसर काठमाडौंमा कार्यरत २८ जना प्रहरीलाई कोरोना संक्रमण भएको छ। त्यसमध्ये ६ जना प्रहरीको नेपाल प्रहरी अस्पतालमा उपचार भइरहेको परिसरले जनाएको छ।

अन्य संक्रमित होम आइसाेलेसन र परिसरभित्रको आइसोलेसनमा बसेका छन्। त्यस्तै, परिसरमा रहेका १० जना कैदीमा पनि कोरोना संक्रमण देखिएको छ। उनीहरूलाई प्रहरी वृत्त कीर्तिपुरको थुनुवा कक्षमा राखिएको छ। परिसरले कोरोना संक्रमणबारे सचेत गराउन सहयोग गर्न ३९ ठाउँमा हेल्प डेक्स र ५२ स्थानमा माइकिङ गर्दै आइरहेको छ।