- वि.सं २०८१ बैशाख १२ बुधबार
राष्ट्रियसभाले पूर्व सांसद तथा उपप्रधानमन्त्री भरतमोहन अधिकारी प्रति शोक प्रस्ताव पारित गरेको छ । मंगलबार बसेको राष्ट्रियसभा बैठकले स्वर्गीय अधिकारीको निधनमा शोक प्रस्ताव पारित गरेको हो ।
लोकतान्त्रिक आन्दोलनका अथक योद्धा तथा जनप्रिय नेता अधिकारीको ८३ बर्षको उमेरमा फागुन १८ गते शनिबार राजधानीको ह्याम्स अस्पतालमा उपचारको क्रममा निधन भएको थियो ।
पूर्व अर्थमन्त्री समेत रहेका अधिकारी नेकपा एमालेको तर्फबाट २०४८, २०५१ र २०५६ सालकोप्रतिनिधिसभा,२०६३ सालको पुनस्र्थापित प्रतिनिधिसभामा मोरङ जिल्लाबाट निर्वाचित सदस्य र २०७० सालको संविधानसभामा समानुपातिक सदस्य थिए । उनी २०४६ सालमा प्रजातन्त्र पुनस्र्थापनापछि गठन भएको संविधान सुझाव आयोगको सदस्य पनि रहेका थिए ।
राष्ट्रियसभाको अर्को बैठक फागुन २६ गते आइतबार अपराह्न १ बजेका लागि बोलाइएको छ ।
