मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडौं
२०७८ मङ्सिर २२ बुधबार १९:१६:००
Read Time : < 1 मिनेट
विश्व डिजिटल संस्करण

हेलिकोप्टर दुर्घटनामा भारतका चिफ अफ डिफेन्स स्टाफ विपिन रावतसहित १३ जनाको निधन

Read Time : < 1 मिनेट
नयाँ पत्रिका, काठमाडौं
२०७८ मङ्सिर २२ बुधबार १९:१६:००

भारतका पहिलो चिफ अफ डिफेन्स स्टाफ (सिडिएस) विपिन रावतको हेलिकोप्टर दुर्घटनामा निधन भएको छ। तमिलनाडुको कुन्नुरमा भएको एक हेलिकोप्टर दुर्घटनामा रावत र उनकी श्रीमती मधुलिकासहित १३ जनाको निधन भएको हो। हेलिकोप्टरमा कुल १४ जना सवार थिए। ग्रुप क्याप्टेन वरुण सिंह दुर्घटनामा घाइते भएका छन्। उनको उपचार भइरहेको छ।

उनीहरू एमआई १७ बी ५ हेलिकोप्टरमा सवार थिए। प्रधानमन्त्री नरेन्द्र मोदीले जनरल विपिन रावतको निधनप्रति दु:ख व्यक्त गरेका छन्। जनरल रावत सन् २०१६ को डिसेम्बर ३१ देखि २०१९ को डिसेम्बर ३१ सम्म भारतीय सेना प्रमुखको पदमा रहेका थिए। उनी सन् २०२० को जनवरी १ देखि चिफ अफ डिफेन्स स्टाफको जिम्मेवारीमा रहँदै आएका थिए। उक्त दुर्घटनाको कारण पत्ता लगाउन आदेश दिइएको भारतीय वायु सेनाले जानकारी दिएको छ।