Read Time : < 1 मिनेट
२०७८ मङ्सिर १४ मंगलबार १२:०१:००
६ लाख नगदसहित कोटेश्वरबाट पाँच जुवाडे पक्राउ परेका छन्। प्रहरी प्रभाग कोटेश्वरको टोलीले घरधनी ईश्वर कार्की, पेप्सिकोलाका नवराज थपलिया, काभ्रेका दीपक तामाङ, रामेछापका सागर केसी र दीपक तिम्सिनालाई पक्राउ गरेको हो।
कोटेश्वरको कोटदेवी मन्दिरनजिक कार्कीको घरमा जुवा खेलिरहेको अवस्थामा विशेष सूचनामा आधारमा उनीहरू पक्राउ परेका हुन्। उनीहरूको साथबाट २० थान तास बुकसहित ६ लाख ५८ हजार तीन सय रुपैयाँ बरामद भएको छ। उनीहरूलाई जुवा ऐनअनुसार कारबाही हुने प्रहरीले जनाएको छ।