नेपाल बार एसोसिएसनको आन्दोलन आज पनि जारी छ । आन्दोलनको स्वरूपअन्तर्गत बारले दिउँसो २ बजे सभामुख अग्निप्रसाद सापकोटालाई भेटेर प्रधानन्यायाधीश चोलेन्द्रशमशेर जबराविरुद्ध  महाभियोग लगाउन ज्ञापनपत्र बुझाउने तयारी भएको नेपाल बार एसोसिएसनका उपाध्यक्ष रक्षा बस्यालले जानकारी दिइन् ।

साथै सभामुखलाई भेटेलगत्तै बारले संसदीय दलको कार्यालय सिंहदरबारमा राजनीतिक दललाई ज्ञापनपत्र बुझाउने र महाभियोगका लागि दबाब दिने उनले  बताइन् । 

‘प्रधानन्यायाधीश राजीनामा दे’, ‘न्याय बेचुवा राजीनामा दे’, ‘सेटिङको फैसला चाहिँदैन, न्याय मार्न पाइँदैन’, ‘कालो धनको खोजी गर,चोलेन्द्रलाई कारबाही गर’ लगायतका नारा लगाएर  कानुन व्यवसायी आन्दोलनमा उत्रिएका छन्। आज बारको आन्दोलनमा प्रहरीले हस्तक्षेप गरेको छैन ।