६ कार्टुन चिनिया मदिरा नष्ट
जिल्ला प्रहरी कार्यालय हुम्लाले ६ कार्टुन चिनिया मदिरा (झिनिगिन्टी) नष्ट गरेको छ । सिमकोट गाउँपालिका–७ निवासी अचेत शाहीले नाम्खा गाउँपालिकाकाे मुचुबाट ल्याएको चिनिया मदिरा शुक्रबार प्रहरीले नष्ट गरेको हो ।
२७ हजार रुपैयाँ बराबरको मदिरा जिल्ला स्थित सरोकारवाला निकायको रोहबरमा मदिरा नष्ट गरिएको जिल्ला प्रहरी कार्यालय हुम्लाले जनाएको छ । धारापोरीबाट खटिएको प्रहरी टोलीले चेकजाँच गर्ने क्रममा मुचुबाट सिमकोट ल्याउँदै गरेको अवस्थामा उक्त मदिरा फेला परेको थियो ।
चालु अर्थिक वर्षमा मात्रै चंखेली गाउँपालिकाको टाँके नाका, सिमकोट गाउँपालिकाको च्वाखोला नाकालगायतका स्थानबाट जिल्ला प्रहरी कार्यालय हुम्लाले तीन हजार चिनिया मदिरा बरामद गरी नष्ट गरेको छ ।