मलद्वारमा लुकाएर सुन तस्करी गर्न खोज्ने भारतीय नागरिक पक्राउ परेका छन् । दुबईबाट आएका भारतीय नागरिक मोहम्मद जुबेदलाई प्रहरीले बुधबार बिहान त्रिभुवन अन्तर्राष्ट्रिय विमानस्थलबाट पक्राउ गरेको हो ।
विमानस्थल प्रहरी प्रमुख एसएसपी राजेश बाँस्तोलाका अनुसार जुबेदले मलद्वारमा पाँच सय ४५ ग्रामका सुनका दुईवटा टुक्रा लुकाएर ल्याएका थिए । अप्ठ्यारोसँग हिँडेको देखेपछि प्रहरीले नियन्त्रणमा लिएर चेकजाँच गरेको थियो ।
त्यसक्रममा मलद्वारमा सुन लुकाएको पाइएको र शौचालयमा लगेर सुन निकालिएको एसएसपी बाँस्तोलाले बताए । एक महिनाअघि दुबई गएका उनलाई सुन तस्करीमा संलग्न समूहले भरियाका रूपमा प्रयोग गरेको हुन सक्ने प्रहरीले जनाएको छ ।