- वि.सं २०८१ बैशाख १३ बिहीबार
कांग्रेस वरिष्ठ नेता रामचन्द्र पौडेलले केन्द्रीय कार्यसमिति बैठक बोलाउन माग गरेका छन् । सिंहदरबारमा बसेको पदाधिकारी बैठकमा पौडेलले महाधिवेशन कार्यतालिका हेरफेर तथा महाधिवेशन तयारी समिति र उपसमिति बनाउन कार्यसमिति बैठक आवश्यक भएको बताएका हुन् ।
बैठकमा केन्द्रीय निर्वाचन समितिले कार्यतालिका प्रभावित भएको विषय उठाएको थियो । केन्द्रीय कार्यसमितिले कार्यतालिका बनाएको स्मरण गर्दै पौडेलले फेरफेर गर्न पनि केन्द्रीय कार्यसमिति बैठक आवश्यक रहेको बताएको बैठकपछि जानकारी दिए ।
कांग्रेसको १४औँ महाधिवेशन ९ देखि १२ मंसिरमा गर्ने तय गरिएको छ । त्यसअघि प्रदेशसहित तल्ला तहका अधिवेशन गर्नुपर्नेछ । तर, कतिपय स्थानमा तल्ला तहका अधिवेशन नै भएका छैनन् ।
बैठकमा सभापति शेरबहादुर देउवाले मंसिरसम्म जसरी पनि महाधिवेशन गर्न निर्वाचन समितिलाई निर्देशन दिएका छन् ।
