प्रदेश
विद्यालयको गेटले किचेर विद्यार्थीको मृत्यु
Read Time : < 1 मिनेट
२०७५ फाल्गुण १५ बुधबार २१:२९:००
विद्यालयको गेटले किचेर दमकमा एक बालकको ज्यान गएको छ । दमक नगरपालिका–१० स्थित जनता आधारभुत विद्यालयको गेटले किच्दा कक्षा नर्सरीका ७ वर्षीय बालक विजेन्दर हेमरमको मृत्यु भएको हो ।
मोरङको कानेपोखरी नगरपालिका–२ घर भइ हाल दमक–१० मा डेरा गरी बस्दै आएका छुका हेमरमका छोरा बिजेन्दर स्कूलमा खेल्ने क्रममा गेट लगेर किचेको जिल्ला प्रहरी कार्यालय झापाले जनाएको छ ।
गेट लडेर टाउकोमा किचेपछि बालक घाइते भएका थिए । उपचारका लागि दमककै लाइफ लाइन अस्पताल लैजाने क्रममा उनको बाटैमा मृत्यु भएको हो । आवश्यक कानूनी प्रकृया प्रारम्भ गरी शव पोष्टमार्टमपश्चात आफन्तले जिम्मा लिएको प्रहरीले जनाएको छ ।