नेपाली कांग्रेसका युवा नेता प्रदीप पौडेलले छिट्टै महामन्त्रीको उम्मेदवारी घोषणा गर्ने बताएका छन् । उनले अर्को साता आफूले उम्मेदवारी घोषणा गर्ने तयारी गरेको बताए । क्रियाशील सदस्यता विवरण टुंग्याउने जिम्मेवारीका कारण घोषणामा ढिलाइ भएको उनले जानकारी दिए।

नयाँ पत्रिकासँगको कुराकानीमा उनले क्रियाशील सदस्यताको काम पूर्ण रूपमा टुंग्याएपछि उम्मेदवारी घोषणा गर्न लागेको बताए । ‘क्रियाशील सदस्यताको काम पूर्ण रूपमा टुंग्याएपछि घोषणा गर्छु भन्ने हो,‘अर्को साता घोषणा गर्दै छु।’

उनले घोषणाको मिति भने तय नभएको जानकारी दिए । क्रियाशील सदस्यताको काम अन्तिम चरणमा पुगेपछि पौडेलले यस्तो प्रतिक्रिया दिएका हुन्। अब ५ जिल्लामा मात्र क्रियाशील विवाद समाधान हुन बाँकी छ । ती जिल्लाको पनि विवरण अन्तिम चरणमा रहेको बताइएको छ।