नोट छपाईमा भ्रष्टाचार भएकाे भन्दै पूर्व गर्भनरसहित तीनविरुद्ध मुद्दा दायर
पोलिमार नोट छपाईमा भ्रष्टाचार गरेको भन्दै अख्तियार दुरुपयोग अनुसन्धान आयोगले पूर्व गर्भनर तिलक रावलसहित तीन जनाविरुद्ध मुद्दा दायर गरेको छ । आयोगले रावल, राष्ट्र बैंकमा तत्कालिन नोट विभागका प्रमुख उपेन्द्र केशरी पौडेल र स्थानीय प्रतिनिधि हिमालय बहादुर पाँडेविरुद्ध बिहीबार विशेष अदालतमा मुद्दा दायर गरेको हो ।
तीनै जनाविरुद्ध प्रतिव्यक्ति करिब ९१ लाख बिगो दाबी गरिएको छ । रावल गर्भनर भएको बेला राष्ट्र बैंकले अष्ट्रेलियन कम्पनीसँग मिलेर १० दरका ५ करोड थान कमसल पोलिमार नोट छपाई गरेको थियो । त्यस सम्बन्धमा अष्ट्रेलियामा समेत अनुसन्धान भइरहेको छ । पौडेल एनमबी बैंकका पूर्व सिइओ हुन्, भने पाँडे नेपाल इन्भेष्टमेन्ट बैंकका अध्यक्ष हुन् ।