लर्ड बुद्ध एजुकेसन फाउन्डेसन (एलबिइएफ क्याम्पस) २४औँ वर्षमा प्रवेश गरेको छ । हाल मलेसियाको एसियन प्यासिफिक युनिभर्सिटीबाट सम्बन्धन प्राप्त गरी सूचना प्रविधि र व्यवस्थापन विषयमा स्नातक र स्नाकोत्तर तहको अध्यापन गराइरहेको कलेज काठमाडौंको मैतीदेवीमा छ । संस्थाले २४औँ वर्ष प्रवेशको अवसरमा अध्यक्ष पंकज जालानले संस्थाको नयाँ लोगो अनावरण गरेका छन् ।
साथै, संस्थापक स्व. परमानन्द केजरिवालको स्मृतिमा संस्थाबाट पाँचजना विद्यार्थीका लागि स्नाकोत्तर तहमा शतप्रतिशत छात्रवृत्ति उपलब्ध गराउने गरी ‘फाउन्डेसन छात्रवृत्ति’ को घोषणासमेत गरिएको छ ।
संस्थाका प्रमुख सल्लाकार महेन्द्रसिंह राजपुतले उक्त अवसरमा संस्थाले प्रविधि तथा व्यवस्थापन विषयमा विगतमा करिब १० हजार विद्यार्थीलाई दीक्षित गरिसकेको उल्लेख गर्दै भावी दिनमा पनि यो सेवा निरन्तर रहने जानकारी दिए ।