- वि.सं २०८१ बैशाख १२ बुधबार
धरानस्थित बिपी कोइराला स्वास्थ्य विज्ञान प्रतिष्ठानका रजिस्ट्रार डा. मोहनचन्द्र रेग्मीले राजीनामा दिएका छन्। शुक्रबार सरकारले गरिरहेको छानबिनलाई सहयोग पुगोस् भन्दै उनले आफ्नो पदबाट राजीनामा दिएका हुन्।
यसअघि साउन २८ गते अख्तियार दुरुपयोग अनुसन्धान आयोग टंगालले बिपी प्रतिष्ठानमा छापा मारेको थियो। छापा मारेर आवश्यक कागजपत्र नियन्त्रणमा लिएको थियो। छापा मारेकै दिन नयाँ पत्रिकाले व्यापारी र बिचौलियाहरूसँगको मिलेमतोमा हुने अनियमितताबारे विस्तृत सामग्री सार्वजनिक गरेको थियो। पढ्नुहोस् रिपोर्ट- बिपीको आन्तरिक लेखापरीक्षण रिपोर्ट : मिलेमतोमा करोडौँका ठेक्का, व्यापारीले नै बनाए ‘स्पेसिफिकेसन’ ।
प्रतिष्ठानका पूर्वउपकुलपति डा. बिपी दास, डा. राजकुमार रौनियार, हालका उपकुलपति डा. ज्ञानेन्द्र गिरीलगायतका दर्जनौँ भ्रष्टाचारका मुद्दा अख्तियारमा विचाराधीन छन्।
