हिमालयन बैंक लिमिटेड र नेपाल वन पैदावार उद्योग व्यवसायी महासंघबीच विशेष कर्जा प्याकेजको व्यावसायिक सम्झौता भएको छ । सम्झौताअनुसार बैंकले नेपाल वन पैदावार उद्योग व्यवसायी महासंघका सदस्यहरूलाई एसएमईअन्तर्गत १२ करोड रुपैयाँसम्मको विशेष कर्जा प्यकेज प्रदान गर्ने जनाइएको छ ।

सम्झौताअन्तर्गत बैंकले न्यूनतम ब्याजदर, कर्जाशुल्क, प्रतीतपत्र वा बैंक जमानत जारी गर्न नगद मर्जिन र कमिसनमा बैंक जमानत जारी गर्ने उल्लेख गरिएको छ ।

उक्त सेवा महासंघका सदस्यहरूले बैंकका सम्पूर्ण शाखाहरूबाट सहज रूपमा प्राप्त गर्न सक्ने बैंकले जनाएको छ । हाल बैंकले ७१ शाखा, १ सय ४६ एटिएम र ५ हजारभन्दा बढी पिओएस टर्मिनलहरूबाट  ग्राहकलाई सेवा प्रदान गर्दै आएको जनाएको छ ।