- वि.सं २०८१ बैशाख ७ शुक्रबार
पछिल्लो २४ घन्टामा देशभर चार हजार एक सय सातजना कोरोना संक्रमित थपिएका छन् । पिसिआर परीक्षणमा दुई हजार नौ सय ७५ र एन्टिजेन परीक्षणमा एक हजार एक सय ३३ जनामा संक्रमण पुष्टि भएको छ ।
काठमाडौं उपत्यकामा एक हजार दुई सय ७९ जना संक्रमित थपिएका छन् । काठमाडौंमा नौ सय आठ, भक्तपुरमा दुई सय ६ र ललितपुरमा एक सय ६५ जनामा संक्रमण देखिउको हो ।
स्वास्थ्य तथा जनसंख्या मन्त्रालयका अनुसार यो अवधिमा ११ हजार तीन सय ५४ नमुनाको पिसिआर र चार हजार नौ सय ४४ जनाको एन्टिजेन परीक्षण गरिएको थियो ।
पछिल्लो २४ घन्टामा एक हजार पाँच सय ३५ जना डिस्चार्ज भएका छन् भने ३५ जना संक्रमितको मृत्यु भएको छ ।
