नेकपाको पार्टी एकता सम्बन्धमा खाका तयार गर्न बनेको कार्यदल भंग भएको छ । कार्यदल भंग भएसँगै नेकपा भित्र मदभेद बढेको छ ।
नेकपाका नेता तथा पार्टी प्रवक्ता नारायणकाजी श्रेष्ठले एकताका लागि बनेको कार्यदल भंग भएको जानकारी दिए । त्यस्तै नेकपाका अर्का नेता योगेश भट्टराईले पनि आफूले त्यस्तै सुनेको बताए ।
उनले भने ‘मैले पनि त्यही सुनेको छु । यदि कार्यदल भंग गरेको हो भने दुर्भाग्य हो । पार्टी एकता हुन नदिन पार्टीभित्रैबाट षडयन्त्र भएको बुझ्नुपर्छ । यसले पार्टी र सरकारलाई राम्रो गर्दैन । यो कार्यसमितिले छलफल गर्नुपर्थ्यो ।’ उनले कार्यदलका संयोजक र सदस्यहरुका कारण यस्तो भएको भन्दै कटाक्ष गरे ।
पार्टी सचिवालयले कार्यदलका सदस्यहरुलाई धन्यवाद दिएका छन् । साथै बाँकी काम सचिवालयले नै गर्ने बताइएको छ ।