जिल्ला प्रहरी कार्यालय मकवानपुरको टोलीले दुई छुट्टाछुट्टै स्थानबाट एक सय ७८ केजी आठ सय ग्राम अवैध लागुऔषध गाँजासहित दुईजनालाई पक्राउ गरेको छ । प्रहरीका अनुसार एकजना फरार छन् ।

प्रहरीले पूर्व–पश्चिम राजमार्गअन्तर्गत हेटौँडा–१५ रातोमाटेबाट सवारीचालक चितवन राप्ती नगरपालिका– ६ का २६ वर्षीय सञ्जय चौधरी र ४८ वर्षीय लालजी साहलाई पक्राउ गरेको हो । बुधबार साँझ ५:५० बजे चितवनबाट बारातर्फ जाँदै गरेको ना.४च १५०५ नम्बरको पिकअप जिपमा जाँच गर्दा ५७ किलो नाै सय ग्राम गाँजा बरामद गरिएको प्रहरी नायव उपरीक्षक जयश्वर रिमालले जानकारी दिए ।

यसैगरी हेटौँडा– ५ स्थित रिलान्स बोर्डिङ स्कुलअगाडि रोकिराखेको प्रदेश ३–०१–२२ च ७२३७ नम्बरको पिकअप जिपबाट एक सय २० किलो नाै सय ग्राम गाँजा बरामद भएको प्रहरीले जनाएको छ । प्रहरी टोलीलाई देख्नासाथ चालक भने फरार भएको र खोजी भइरहेको जनाइएको छ ।