नेपालमा थप ४१ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयले मंगलबार साँझ सार्वजनिक गरेको विवरणअनुसार देशभर हालसम्म आठ हजार आठ सय १३ संक्रमितको मृत्यु भएको छ ।
मन्त्रालयका अनुसार पछिल्लो २४ घन्टामा चार हजार पाँच सय २२ जना कोरोना संक्रमित थपिएका छन् । पछिल्लोपटक १६ हजार नौ सय १३ जनाको कोरोना परीक्षण गरिएको मन्त्रालयले जानकारी दिएको छ ।
यो अवधिमा चार हजार नौ सय ४५ जना संक्रमणमुक्त भएका छन् । हालसम्म देशभर पाँच लाख ६४ हजार आठ सय ८२ जना कोरोनामुक्त भएका छन् । निको हुन दर ९०. २ प्रतिशत पुगेको छ ।