नेपालमा थप ४६ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयले सोमबार साँझ सार्वजनिक गरेको विवरणअनुसार हालसम्म मृत्यु हुने संक्रमितको संख्या आठ हजार सात सय ७२ पुगेको छ ।
पछिल्लो २४ घन्टामा १० हजार नौ सय चारजनाको कोरोना परीक्षण गरिएकोमा दुई हजार दुई सय ९७ जना संक्रमित थपिएका छन् । यो अवधिमा तीन हजार एक सय तीसजना संक्रमणमुक्त भएका छन् ।
नेपालमा हालसम्म पाँच लाख ५९ हजार नौ सय २८ जना कोरोना संक्रमणमुक्त भएका छन् । निको हुने दर ८९.९ प्रतिशत रहेको मन्त्रालयले जनाएको छ ।