कोरोना संक्रमणका कारण नेपाली कांग्रेसका नेता तथा पूर्व सञ्चार राज्यमन्त्री तप्तबहादुर विष्टको निधन भएको छ । उनको शनिबार राति काठमाडौंको मेडिसिटी अस्पतालमा उपचारका क्रममा निधन भएको पारिवारिक स्रोतले जानकारी दिएको छ ।

कोरोना संक्रमण पुष्टि भएपछि उनी गत जेठ १६ गते कर्णाली प्रदेश अस्पताल सुर्खेतमा भर्ना भएका थिए । स्वास्थ्यमा सुधार नआएपछि थप उपचारका लागि उनलाई जेठ २६ गते हेलिकोप्टरमार्फत काठमाडौं रिफर गरिएको थियो । 

सुर्खेतका पूर्वजिल्ला विकास समितिको उपसभापतिसमेत रहेका विष्ट २२ वर्षसम्म पार्टीको जिल्ला सभापतिसमेत भएका थिए ।