ओखलढुंगामा उच्च रक्तस्रावका कारण एक सुत्केरीको मृत्यु भएको छ । शिशु जन्मिएपछि सुरु भएको उच्च रक्तस्रावबाट जिल्लाको मोलुङ गाउँपालिका– ६ श्रीचौरका जङ्बु शेर्पाकी ३० वर्षीया श्रीमती डोमा शेर्पाको मृत्यु भएको हो ।
शेर्पालाई आइतबार श्रीचौर स्वास्थ्यचौकीले ओखलढुंगा सामुदायिक अस्पताल रेफर गरेको थियो । अस्पताल नलगी स्थानीय पेसा पेसला पोलिक्लिनिकमा भर्ना गरिएकी शेर्पाले शिशुलाई जन्म दिए पनि उच्च रक्तस्रावको उपचार हुन नसक्दा उनको मृत्यु भएको स्थानीय शिवकुमार कार्कीले जानकारी दिए ।
कोरोना कहरको डरले सुरुमा अस्पताल नलगिएको र आपतकालीन अवस्थामा अस्पताल लैजान नसकिएको पारिवारिक स्रोतले जनाएको छ ।